Egilearen artxiboa: plazaragoaz

Komikigintzari buruzko Wikilantegi irekia (2019-03-26)

Komikizalea zarela eta Wikipedian editatzen ikasi nahi duzula?
Komikigintzari buruzko Wikilantegia
Dohainik
Intxaurrondoko Kultur Etxeak antolatuta

Noiz: Martxoaren 26an. asteartea
Ordua: 18:30
Non: Intxaurrondoko Kultur Etxea
………Felix Gabilondo plaza, 1   20015 Donostia
………943 48 34 02
Hizlariak:   Igor Leturia, Iñaki Otamendi eta Aitzol Astigarragaren esku.

Martxoaren 26ean, Donostiako Intxaurrondo Kultur Etxean, 18:30etatik aurrera Komikigintzari buruzko Wikilantegi irekia antolatu da.
 
Saio honen helburua euskarazko Wikipedia komikigintzari dagokionez osatzeko lanak martxan jartzea da. Denon artean Euskarazko Wikipediako komikigintzaren hutsune nabarmenenak identifikatuko ditugu eta behar duenak Wikipedia editatzen ikasteko aukera ere izango du.
 
Parte hartzeko ez da komikigintzan aditua izan beharrik, Wikilantegian parte hartzen duten komikizale guztien ekarpenenekin Wikipedia hobetzen joatea baita asmoa. Eta Wikipedia editatzeko ohitura ez dutenei laguntza eskainiko zaie. Hasiberrien, noizean behin eta maiz aritzen direnen artean, Wikipediako atal hauek identifikatu eta landu nahi ditugu

  • Komikiarekin lotutako euskal egile, obra, aldizkari… historikoei buruzko artikuluak.
  • Gaur egungo komikilari, komiki, argitaletxe… eta gainontzeko gaiei buruzko artikuluak.
  • Mundu mailako komikigintzan erreferentzia diren egile eta obrei buruzko artikuluak.

Saioa doakoa eta irekia izango da, baina komeni da izena ematea, toki-aurreikuspenak egiteko. Intxaurrondo liburutegian edota 943 48 34 02 telefonora deituta egin daiteke.
 Portatila bakoitzak berea eraman beharko du.

 
Saioaren orria: https://www.donostiakultura.eus/index.php?option=com_flexicontent&view=items&cid=33&id=80825&Itemid=314&lang=eu
 
Animatu!

NOLA EMAN PAUSO BAT AURRERA 2019an?

ZER: Helburuak / Ekintzak / Ideiak / Iritziak jaso nahi ditugu. Ideiak bota. Bat-batekoak edo landuak, guztiak izango zaizkigu baliagarriak. Bakoitzak errealitatearen zati bat bizi du eta ikuspegi horiek guztiak interesatzen zaizkigu puzzlea osatzeko.

Zer egin dezakete hurrengo urtean/urteetan hizkuntza berdintasuna bermatzeko eta euskararen erabilera sustatzeko arlo hauetan?

Zer egiten dute beste lekuren batean gurean ere egin dezakeguna?

Zer egiten dute beste arloren batean hizkuntza berdintasunean ere lagungarria izan dakigukeena?

NOLA: Hobeto datorkizun bidea erabili gurekin harremanetan jartzeko.

 

Zuk aukeratu noiz eta nola:

lotura honetan sartu eta idatzi
Telegram edo WhatsApp bidez: 628552066
e-posta: plazaragoaz@gmail.com
Twitter kontura: @PlazaraGoaz

Eta, nahi baduzu, zure lagun, lankide eta senideei ere bidal diezaiekezu, haiek ere parte har dezaten.

ZERTARAKO: Helburuak eta ekintzak bateratzen eta forma ematen saiatuko gara, ondoren, eragindako instituzio, elkarte, erakunde edo enpresei helarazteko.

Jasotako ideia guztiak aurkeztu eta aztertuko ditugu otsailaren 13an, asteazkena, 19:00etan, Plazara Goazen lokalean egingo dugun bilera irekian.

ZERGATIK: 2019 urtea garrantzitsua izango da. Izan ere, maiatzaren 26an hautatuko ditugu ordezkari politiko berriak (Udalean, Aldundian eta Europan), Donostiako 2015-2019 Plan Estrategikoaren epealdia amaituko da, Korrika urtea da, litekeena da Euskaraldiaren bigarren kanpaina bat ematea… Gertaera horiek eragina izango dute komunitatearen etorkizunean eta interesatzen zaizkigun gaiak plazaratzeko aukera eskainiko digute. Eragin dezakegu.

2017 urtean 20 egun euskaraz egin genituen eta 650 auzotarrek hartu genuen parte. 2018an Euskaraldia egin dugu eta kopurua bikoiztu dugu: 1.355 biztanlek parte hartu dugu, 908 Ahobizi eta 447 Belarriprest. 16 urtetik gorako bizilagun euskaldun eta ia euskaldunen %16.

Oso garrantzitsua izan da. Inguruan eragiteko gai garela erakutsi dugulako. Gehienok lortu dugu euskara gehiago hitz egitea familiako, lagunarteko edo laneko baten batekin. Zoriontzeko eta ospatzeko lorpenak dira, baina, beste arlo askotan bezala, bakarka egin dezakeguna baino gehiago lor dezakete instituzioek eta erakundeek. Kontzientzia dugunok gure ingurune hurbilean eragiteaz gain, prestigioa eta arauak behar ditugu, euskaraz hitz egitea ez baita norbanakoak egin dezakeen zerbait, taldean egiten da, politikoa da.

Gogoan izan, Donostian 17.659 pertsonek hartu dugu parte Euskaraldia. Hauteskundeetara aurkeztuz gero, 5 ordezkari izango genituzke. Zer gertatuko litzateke indar hori instituzioen agenda politikoan eragiteko erabiliko bagenu?

Eman dezagun pauso bat aurrera, aldaketa handiagoak eragiteko.

——

ERANSKINAK

Baten batek inspirazio iturriak beharko balitu, jarraian ditugu hausnarketarako eta ideiak hartzeko lagungarriak izan daitezkeen hitz gako, dokumentu eta bestelako batzuk:

  • Intxaurrondoko eragile nagusiak: Aiton-amonen etxea / Anbulatorioa / AGIFUGI – Ijito elkartea / APLE – Luso Euskalduna elkartea / Artzak ortzeok elkartea / Arzak jatetxea / Bozkozaleak (danborrada bakarrik) / Danborrada Irurak / Ekialdeko Barrutia (Altza, Bidebieta eta Intxaurrondo) / English school / EuskoTren tren geltokia / Centro Extremeño / Haizalde elkartea / Inter kirol elkartea / Intxaur txiki / Intxaurdi kirol elkartea / Intxaurra elkartea / Intxaurrondo berri emakume elkartea / Intxaurrondo hegoa ikastetxea / Intxaurrondo ikastola / Intxaurrondo kiroldegia / Intxaurrondoko katekesia / Intxaurrondoko kultur etxea / Ipar haizea / Izbe / Intxhaurgunea / Lagunak emakume elkartea / Larrotxene kultur etxea / Lauaizeta ikastola BHI / Letaman gaztetxea / Mª Auxiliadora ikastetxea / Marrutxipi elkartea / Mons elkartea / Mons kiroldegia / Plazara goaz / Renfe tren geltokia / Santa Teresa haurtzaindegia / Zulo zahar elkartea / 150 establezimendu inguru.
  • Kontuan hartzeko ikuspegi batzuk:
    • Erabilera / Ezagutza / Motibazioa / Erakundetzea edo Arautzea
    • Adinak: Haur / Nerabe / Gazte / Heldu / Adineko
    • Genero ikuspegia: Emakumezkoak / Gizonezkoak / Ez binarioak
    • Euskararen ezagutza eta jarreraren arabera: Euskaldun alfabetatuak / Ez alfabetatuak / Ikasten ari direnak / Ez dakitenak
    • A / B / D ereduko ikasleak. Lehen Hezkuntza / DBH / Lanbide Heziketa / Unibertsitatea / Etengabeko prestakuntza…
    • Beste ezaugarri edo eremu batzuk: Familia bidezko transmisioa / Guraso bakarreko familiak / Arazoak dituzten familietako haurrak / Langabetuak / Migranteak / Jubilatuak / Itsuak / Aniztasun funtzionala dutenak / Administrazioa eta Udalaren zerbitzuak / Kulturgintza / Hedabideak / Teknologia berriak / Prestigioa / kontzientzia
  • Donostiako datu soziolinguistikoak: Lotura
  • Euskararen adierazle nagusiak: Lotura
  • Donostiako Udalak euskararen inguruan onartutako arauak: Lotura (Donostiako Udalean eta udalerrian euskararen erabilpena normalizatzeko arauak / Donostiako Euskararen Plan Orokorra. 2015-2019 eta Euskararen Erabilera Normalizatzeko Plana Donostiako Udalean – 6. Plangintza aldia (2018-2022)).
  • Donostiako Udalaren Hizkuntza jarraibideak: Lotura / Eta hizkuntza gehiago daudenean: Lotura
  • Donostiako Udalaren aurrekontu proiektua 2019 urterako: Lotura (Euskararen sustapena eta normalizazioari bideratutako atalaz gain, hizkuntza zehar-lerro gisa landu daiteke eta gainontzeko ataletako ekimenetan txertatzea proposatu).
  • Eusko Ikaskuntza. Euskararen Etorkizuneko Eszenarioak Elkarrekin Eraikitzen (e5): Lotura. Egitasmo horren barruan: 2040 urterako irudikatutako Kapitalen (Aktiboen) Konstelazioak Eraikitzeko Ekinbide Gakoen Mapa: Lotura
  • Kontseiluaren proposamenak: Lotura

 

Komiki-saioa: Haur besoetakoa (U. Iturriaga, urtarrilak 8)

Intxaurrondoko Kultur Etxeak antolatuta komiki-solasaldien euskarazko hurrengo saioa:

Noiz: Urtarrilaren 8an. asteartea
Ordua: 19:00
Non: Intxaurrondoko Kultur Etxea
………Felix Gabilondo plaza, 1   20015 Donostia
………943 48 34 02
HizlariakUnai Iturriaga egilea eta beti bezala Igor Leturiak gidatuta
Egilea:Unai Iturriaga gidoilaria eta Alex Sanvi marrazkilaria
GaiaHaur besoetakoa

Haur besoetakoa komiki sailean bi album atera dira: Litxarrerien jauna eta Paristik datorren artista.  Egileen hitzetan, “Haur Besoetakoa komiki ganberroa da, nobela beltz bat, haurren munduan girotua, egia handi eta biribilak kontatzen dituena, mozorrotuta”.

Unai Iturriaga bertsolaria, abeslaria eta idazlea da, eta hainbat sari irabazi du landu dituen arloetan. Literaturari dagokionez, antzerkia, nobela eta zinema- eta komiki-gidoiak jorratu ditu. Bere lanen artean aipa daitezke Isladak eta Berandu da gelditzeko liburuak, Francoren bilobari gutuna antzezlana, Olentzero eta subilaren lapurreta, Munduaren bira doan eta Eutsi! filmen gidoiak eta Udaberririk ankerrena, Haur besoetakoa eta Diamanteak, urrea eta ikatza komikiak.

“Liburuforum”: “Jenisjoplin” Uxue Alberdi (2018-11-29)

Gogoratzen duzu? AZAROAREN 29an,ostegunarekin, arratsaldeko 19:00etan, Intxaurrondo Kultur Etxean, Uxue Alberdiren Jenisjoplin liburuaren tertulia literarioa izango dela, Iratxe Retolazaren eskutik.

2018-11-29 Azaroaren 29an
JenisjoplinUxue Alberdi  2017, nobela

https://zubitegia.armiarma.eus/?i=761

“Hola, pasibotasunari uko egiten dio eta niaren ugaritasunek espazio fisikoa topatzen dute, gorputza biolentzia, memoria, sexu, maitasun, desio eta gorrotoaren elkargune bihurtuz; gorputzaren markak azalean.”

 
 
Liburua irakurtzeko astirik orain arte izan ez baduzu ikusi laburpen hau. Baietz irakurri! astebete duzu!
Gorputz markak Iratxe Esparza / Gara, 2017-10-21

Eleberria 2010eko udan abiatzen da; Libre irratiko kideak terrorismoaren goraipamena leporatuta noiz atxilotuko dituzten zain daude. Horietako bat Nagore Vargas protagonista da. Nagoreren ahotsak borroka armatuaren gainbeheraren lekuko diren belaunaldien kontraesanak biltzen ditu eta identitate kolektiboaren aztarnak bere azalean pausatzen dira barnea ukitu arte. Alabaina, hiesa diagnostikatzen diote eta horrek bestelako gertakariak erabat zeharkatu eta bizitzarekiko begirada aldarazten dio. Hiru atalek osatzen dute liburua, eta guztietan Euskal Herriko errealitate ezberdinak margotzen dira, euskal gatazkatik baino harago doazenak. Neurriz jokatzen du Uxue Alberdik eta interesgarria da liburuan klase borrokari eta maila sozialari eskaintzen zaien espazioa edota gaixotasunaren inguruan dauden tabu moralak agerian uztea. Testuan hari gehiago ere pilatzen dira, hala nola, protagonistaren haurtzaro berezia, ohiko eredutik kanpo dagoen familiaren gorabeherak edo bazterkeria sozialak dakarren krudeltasuna. Haietatik sortutako emozio bakoitzak bide desberdinak hartzen ditu protagonistaren gorputzean itsatsi arte.

Hasieratik, gaixotasunak lekua irabazten du kontakizunean, eta erantzunen bilaketak Nagore oroitzapenetan zulatzera bultzatzen du, lasaitasunez iraganean arakatzen hasiz. Irakurketan iradokitzen da Uxue Alberdik sakonki eta oreka mantenduz egituratu duela testua eta, esan gabe doa, hari nagusiari darizkion adarren ugaritzeak izugarri aberasten duela eleberria. Nagore Vargasek bere bizipenen hainbat egoera kontatzen ditu eta, aitortzen ez badu ere, urruntasunetik eta perspektibaz iraganaren berrikuspena egiten du, ziur aski hori baita etorkizunari aurre egiteko topatzen duen taktikarik egokiena, gaixotasunaren oihartzunari harrotasunez aurrez aurre begiratzea, alegia. Dena dela, ez pentsa istorioa dramatismotik idatzita dagoela; Nagore bizirik dirauen emakumea da eta diagnostikoak bere gorputzaz erabakitzeko zilegitasuna ematen dio; gainera, bizitzak dakarrena erresistentziatik asimilatzeko indarra ere badauka etsipena alde batera utziz. Horri lotuta, deigarria da protagonistak erakusten duen argitasuna eta ziurtasuna, sarritan, besteak urduritzen dituztenak. Bestalde, irakurri ahala narrazioak intentsitatean irabazten badu ere, pasarteren batean Nagoreren ahotsak talka egiten du hirugarren pertsona darabilen narratzailearenarekin, eta elkartze mehe horretan zerbaitek huts egiten duelakoan nago. Aldiz, ñabardurak ñabardura eta batzuetan istorioaren zenbait atal goxoegiak izan arren, Alberdik sustatzen duen hausnarketa oso onuragarria da, gorputzak eta narrazioak bat egiten dutelako etengabe, areago, gorputza istorioaren gidaria izan dela baieztatzera ausartuko nintzateke.

Gogoetan dabilela, Nagore Vargasek (aitak JenisJoplin konplizitate ezizena erabiltzen du) identitatearen birplanteamendua aipatzen du, gorputz analisiaren bidez gauzatzen duena, esan bezala, gorputza eleberriaren erdigunean kokatuta agertzen zaigulako. Adrienne Richek, poeta eta saiogileak, gorputzetik abiatzen den kokaleku-politika proposatu zuen, eta irakurketan zehar ideia horrek lagundu dit. Gorputzak jasaten duen tratamenduak munduarekin sortutako harremana zehaztu eta, era berean, munduaren ikuspegia ere baldintzatzen du; hain zuzen ere, Nagore Vargasi gertatzen zaiona: bere gorputzetik eusten du, interakzio pertsonalek, sentimenduek eta bizipenek gorputza bera markatzen duten bitartean. Hola, pasibotasunari uko egiten dio eta niaren ugaritasunek espazio fisikoa topatzen dute, gorputza biolentzia, memoria, sexu, maitasun, desio eta gorrotoaren elkargune bihurtuz; gorputzaren markak azalean.

Aurtengo beste datak eta aukeratutako liburuak hauek izango dira:

 

 

 

 

 

2019-01-31  Urtarrilaren 31n
Honetara ezkero“.  Arantxa Iturbe   2017, ipuinak

2019-04-08  Apirilaren 8an
“Bihotz handiegia”.   Eider Rodriguez 2017, narrazioak

2019-05-21 Maiatzaren 23an
Bidean ikasia”.   Arantxa Urretabizkaia  2016.Entsaioa

Zeri kantatzen diogu? Zeri ez? (G. Barandiaran & R. Rueda. Asteazkenean)

Hitzen_Ahairea_2018_Gotzon_Barandiaran_Rafa_Rueda Noiz: azaroaren 7an, asteazkena
Ordua: 19:00-20:30
Non: LARROTXENE Kultur Etxean,
Nor: Gotzon Barandiaranen eta Rafa Rueda
Prezioa: Dohanik
Jakin nahi al duzu zeri kantatzen diogun euskaldunok?
Eta zeri ez?
Plazara Goazek 20 urte bete dituela ospatzeko eta Euskaraldiaren kanpainaren barruan
Gotzon Barandiaranen eta Rafa Ruedaren hitzaldi musikatua izango dugu.
Bertan, Hitzen ahairea liburuan azaldutakoaren berri emango digute.
Liburua eta aipatutako kantuei buruzko informazio gehiago:
Euskaraldia?
Ariketa sozial honetan parte hartzera gonbidatu zure hamaikakoa: familia, lagunak, lankideak…
Hizkuntza ohiturak eta kontzientziak eragin!!

Ibilaldi literario Koldo Izagirrerekin (2018-10-27)

Koldo Izagirre (wikipedia)

Ibilbide literarioa egingo dugu Intxaurrondon barrena.
Ko
ldo Izagirre idazlea izango da gidaria. Ibilbideak 3 gune nagusi izango ditu eta gai hauek jorratuko ditugu:

  • 10:00etan. Intxaurrondo Kultur Etxetik abiatu. Otxoki pasealekua, Lazkano bertsolariaren jaiotetxea: bertsoak / PM Otaño: hiru poema kantagarri / Axular plaza: pasarte batzuk / Joana Albret plaza: Biblia, Nafarroa / Gaztela kalea: Rosaliaren akordua, Mikel Azurmendiren poema / Artikutza: kantu zaharra eta Patziku Perurenaren lana.
  • 11:00etan, Bizenta Mogel kalea: lehen testu feminista eta idazletzaren kontzientzia, zenbait alegia / Castelao parkea: euskaldunak bere testuetan, Gernikako arbolari buruzkoa, marrazkiak ikusi / Extremadura kalea: Gerra Garridoren Cacereño nobela, pasarteak / Gabriel Aresti pasealekua: modernitate laiko eta ezkerrekoa, poemaren batzuk, hitzaldiren baten zatia.
  • 12:00etan, Gabriel Celaya plaza: literatura erregionalista, pasarteak Canto en lo míotik, Agustin Ibarrolaren eskulturak alderatu bere errealismo sozialistarekin, Arestiren Euskal Harriarako egin zizkionak erakutsiz / Bernat Etxepare plaza: feminismo faltsua, aurreneko testu konfesionala (lehen pertsonaren erabilera kartzelako poeman), eta hizkuntzari egindako kantu ederrak.

Aipatutako ordutegia gutxi gorabeherakoa da.  Ibilbidea bukatutakoan, Euskararen Plazan mokadua jan eta zerbait edateko aukera izango dugu. Doan da eta aurrez izena eman gabe ere etor gaitezke.

Plazara Goaz Intxaurrondoko Euskara Batzordeak 20 urte bete ditu aurten eta ekitaldi berezi bat prestatu nahi izan dugu. Mezuari erantsita bidali dugu ibilbidea iragartzeko kartela. Animatu eta lagunak ere gonbidatu.

Bide batez, gogoratu dagoeneko zabalik dela Euskaraldian izena emateko epea. Larrotxene eta Intxaurrondo Kultur Etxeetan egin dezakezu, baita helbide honetan ere: https://izenematea.euskaraldia.eus/

Literatura Plazara solasaldiak 2018/19ko liburuak eta datak

LITERATURA PLAZARA 2018-2019 solasaldiak
Iratxe Retolazak gidatuta
Saio guztiak Intxaurrondo Kultur etxean (Goiko kiroldegian), ostegunarekin, 19:00etan

Aurtengo datak eta aukeratutako liburuak hauek izango dira:

 

 

 

 

 

2018-11-29 Azaroaren 29an
“Jenisjoplin” Uxue Alberdi  2017, nobela

2019-01-31  Urtarrilaren 31n
Honetara ezkero“.  Arantxa Iturbe   2017, ipuinak

2019-04-08  Apirilaren 8an
“Bihotz handiegia”.   Eider Rodriguez 2017, narrazioak

2019-05-21 Maiaztaren 21ean
Bidean ikasia” Maiatzaren 21an.   Arantxa Urretabizkaia  2016.Entsaioa

Komiki-saioa: Santa Familia (martxoaren13an, 19:00)

Intxaurrondoko Kultur Etxeak antolatuta komiki-solasaldia euskarazko hurrengo saioa:

Noiz: Martxoaren 13an. asteartea
Ordua: 19:00
Non: Intxaurrondoko Kultur Etxea
………Felix Gabilondo plaza, 1   20015 Donostia
………943 48 34 02
Hizlariak: Eider Rodriguez eta Julen Ribas egileak
……… eta beti bezala Igor Leturiak gidatuta
Egileak: Eider Rodriguez (Errenteria, 1977)
……… eta Julen Ribas (Arrasate, 1981
GaiaSanta Familia komikia (2017ko urria)

Eider Rodriguezek idatzitako istorioak familiaren instituzioan eta bere tradizio ukiezinetan arakatu nahi du, baina modu dibertigarri, atsegin, apur bat aztoragarri eta sorpresaz betean. Zientzia fikzioz ere badu. Senar-emazte bikotea eta alaba batez osatutako familia bat du protagonista, itxuraz “tradizional” eta “normal” dena baina azpian gauza gehiago ezkutatzen duena… Komikia Julen Ribasen irudi zoragarriez hornitua dago. Akuarelaz margotuta dago dena, egun ohikoena den ordenagailu bidezko kolorea beharrean.

Eider Rodriguez euskal idazlea da. Publizitate eta Zinema ikasketak egin zituen, kazetari lanetan ibili da eta baita editore eta gidoilari lanetan ere. Gaur egun irakaslea da Euskal Herriko Unibertsitatean. Bereziki ipuingintzan nabarmendu da, itzulpenak egiten ditu eta komiki gidoigintza lanak ere egin ditu, Xabiroi aldizkarirako istorio laburrak sortuz zenbait marrazkilarirekin lankidetzan. Bere Katu jendea ipuin liburuak XI. Igartza saria irabazi zuen 2008an.

Julen Ribasek, Bartzelonan arte-grafikoko ikasketak burutu ondoren, freelance gisa lan egiten du. Xabiroi aldizkariaren ohiko kolaboratzailea da. 2011n Azken garaipena komikia argitaratu zuen Iban Zalduaren gidoiarekin. Lan honek, 2012ko Euskadi Literatura Sarien euskarazko haur eta gazte literaturazko lanik onenaren saria irabazi zuen.

Komiki-saioa: (I. Leturia, urtarrilaren 9an)

Intxaurrondoko Kultur Etxeak antolatuta komiki-solasaldien euskarazko hurrengo saioa:

Noiz: Urtarrilaren 9an. asteartea
Ordua: 19:00
Non: Intxaurrondoko Kultur Etxea
………Felix Gabilondo plaza, 1   20015 Donostia
………943 48 34 02
Hizlariak: Asisko Urmeneta egilea eta beti bezala Igor Leturiak gidatuta
Egilea: Asisko Urmeneta (Iruñea, 1965)
GaiaEusklabo alaiak eleberri grafikoa (2017ko urria)

Robinson Crusoe eta Ostirala izeneko bere laguna (edo esklabo alaia?)
Deskolonizazio prozesuak… Euskal Herria “eusklabo alaia” da?
Dena umorez kontatuta.

Asisko Urmenetak, komikilari nafarrak, bere lehen pausoak Korrok eta Napartheid fanzineetan eman zituen 80. hamarkadan, eta horren ondoren hainbat prentsa kolaborazio egin ditu eta baita hainbat komiki argiratu ere.  Lehenago ere izan dugu Intxaurrondoko komiki-solasaldi honetan:

Azken txanpa. Baietz 20 egun euskaraz

Baietz 20 egun euskaraz Intxaurrondon egitasmoaren azken txanpan gaude eta abenduaren 1 eta 2rako antolatu ditugun ekitaldiak gogorarazi nahi dizkizugu:

Abenduak 1. Tokia: Euskararen plaza. Bernart Etxepare plaza.

17:00etan: Haur jolasak.
19:00etan: 3. TXANDA ALDAKETA.
Ondoren, Gaztaina erreketa eta Kaña2kaña taldea.

Abenduak 2. AMAIERA JAIA. Tokia: Intxaurrondo Kultur Etxea

13:30etan: Ekitaldia
14.30etan: Bazkaria.
Txartelak 7 eurotan salgai ondorengo tabernetan: Eder, Talai, Adi, Sagasti, Lekueder, Zulozahar, Erdikoa

Horrez gain, euskararen eguna dela eta, gaur arratsaldeko 19.30etan Larrotxene kultur etxean izango den Oholtza bertso-ikuskizunera joatera animatzen zaitugu.
Tresna-barrara saltatu