Kategorien artxiboak: Literatura

ANDRAZKOAK: Literatura Plazara 2016/17

literatura_plazara_16_17

Jaso kartela

Aurten ere Literatura Plazara saioak izango ditugu, Intxaurrondoko Kultur Etxeak lagunduta (Donostia Kultura) eta Iratxe Retolazak gidatuta.
Saio guztiak ostegunarekin izango dira, arratsaldeko 19:00etan,
Intxaurrondo Kultur Etxean.

ANDRAZKOAK izenburupean, 3 saio eta 4 liburu aurreikusi ditugu:


Azaroak 24:
Hain gutun luzea. Mariama Bá. Edo! argitaletxea 2015

Afrikar literatura garaikidearen ikurretako bat da Hain gutun luzea. Afrikako tradizioa eta modernitatea, arlo publikoa eta pribatua hobeto ezagutzeko balio du. Poligamia, kolonizazioa eta deskolonizazioa, familia eta emakumeen eskubideak, hezkuntza eta eguneroko bizimodua…  Senegalgo emakumeen istorioa eta historia gorpuzten ditu.

Liburua Kaxilda liburu-dendan eros dezakegu, 14 euroan (Arroka kalea 2, Amara. 943571987). Baten batek zailtasunik balu, jakinarazi eta ekarriko diogu liburua auzora.


Otsailak 9:
Lorea Gernika, andrazko bat. Koldo Izagirre. Susa argitaletxea 2015

Hiru aldiz makurtu zen Ramiro Arrueren dantzari aingeruen azpian, luma eskuan zuela, Donibane Lohizuneko udal ezkongelan. Hantxe sinaturiko hiru hitzarmen estrategiko hauei esker, eta batez ere beste horrenbesteko banantzeen edo alarguntzeen ondorioz —ez dago garbi—, Lorea Gernikak nahikoa eusko bildu ahal izan du bizimodu erosoan laketzeko egungo euskaldunen izatea pairatuz, pentsatzen ikasiz, andrazko bihurtuz: ironia eta eztitasuna, umorea eta malenkonia.

Topikotik irteteko Lorea Gernikak egin dituen saioen bilduma da liburu hau.


Maiatzak 11:
Baionak ez daki. Bea Salaberri. Susa argitaletxea 2015

Baionak ba ote daki zenbatekoa den euri uhar baten gozoa, lantokian partekatzen ari diren bixkotxaren ahalmena. Baionak ba ote daki zerk eragiten dien zirrara zubi gainetatik datozenei, noiz elkartzen diren isilpekoez mintzatzera, nola egiten duten aitzina. Baionak ba ote daki haren altzotik urruntzeko gogoa sortzen duela sarritan.

      Bea Salaberriren lehen narrazio liburuak eguneroko bizitzako gertakari sinpleetan ipintzen du arreta, kasik ezdeusetan. Kontu tipienei begira, detaileetan atseden harturik, idazlearen estilo soilaz landutako begiradok funtsezkoa den hartara astiro hurbildu nahi gaituzte.


Saioetan zehar laugarren liburu baten pasarteak irakurriko ditugu:
Mr. Señora. Oier Guillan Bermudez. Txalaparta 2016

 


Ikus dezakezuenez, denetik apur bat dugu:
itzulpena, antzerkia, auzoan bizi den egilea, iparraldekoa…
Literatura interesgarria eta aberastuko gaituena.

Liburua: Intxaurrondo Txuri Beltzean

Intxaurrondo Txuri Beltzean” liburua gure auzoko memoria jaso nahi duen argazki bilduma da, 1980. urte arteko irudiak jasotzen dituena. Bertanagertzen dira gure baserriak, auzogunetako jaiak, eskoletako ikasle taldeak, elkarte gastronomikoetako jarduerak, bizilagun taldeak, ….

Osteguenean hilak 15, 19:00etan aurkeztuko dute liburua INTXAURRONDO KULTUR ETXEAN (FÉLIX GABILONDO 1).           ANIMATU!

IZBE AUZO ELKARTEAK eta ALTZAKO HISTORIA MINTEGIAk antolatuta.

Apirilak 28, osteguna, literatura plazara: Atzerri (Mikel Antza)

Ikasturte honetako hirugarren Literatura Plazara saioa izango dugu bihar, apirilak 28, ostegunarekin, 19:00etan, Intxaurrondo Kultur Etxean.

Mikel Antzaren Atzerri (Susa, 2012) liburua landuko dugu, Iratxe Retolaza-k gidatuta.

Uda ondoren itzuliko gara beste 3 libururekin.
Proposamenen bat duzuenok bihar saiora ekarri edo mezua bidali helbide honetara.

Saio guztiak, beti bezala,  Intxaurrondo KEan izaten dira. Orain arte etortzeko aukerarik izan ez baduzu,  animatu. Saio guztietarako gaia DISKURTSO AUTOBIOGRAFIKOAK EUSKAL LITERATURAN izango da.
Irakurketa ­saio hauetan biografia literarioen moldeak eta azpigeneroak izango ditugu irakurgai eta hausnarketa­gai nagusi. Diskurtso (auto) biografikoek euskal literaturaren esparruan nolako garapena eta lekua izan duten aztertuko dugu.

Galdera hauetariko zenbait erantzuten ahaleginduko gara irakurketa-­saio hauetan:

  • Nolako diskurtso autobiografikoak garatu dira euskal literaturan?
  • Nola baloratu eta interpretatu izan dira ekarpen autobiografiko horiek?.

Guztiok izan beharko ginateke feminista

Guztiok izan beharko ginateke feminista liburuaren azala

Guztiok izan beharko ginateke feminista liburuaren azala

Desberdinak al dira Afrikan eta Euskal Herrian emakumeok bizi ditugun egoerak? Benetan zailagoak al zaizkigu gauzak emakumeoi? Zergatik egiten zaigu desberdina egoera bera emakumeak ala gizonak eginda? Nola naturalizatzen dira berez naturalak ez diren egoerak? Nolako eragina dute hezkuntzak eta kulturak? Zer da feminista izatea? Zergatik izan feminista? Gizonak ere feminista izan beharko lirateke? Zer irabazi eta zer galtzeko?

Galdera horiek erantzuteko irakurri Guztiok izan beharko ginateke Feminista liburua, 30′ minutu nahikoak izango zaizkigu. Modu atsegin eta entretenigarrian gainera, egileari berari gertatutako hainbat pasadizo irakurriz.

Chimamanda Ngozi Adichie 1977an jaiotako idazle Nigeriarra da. Ameriketako Estatu Batuetan egin ditu ikasketak eta hemen jaso dugun testu hau 2012ko abenduan TEDxEustonen (Afrikari buruzko urteroko sinposioan) emandako hitzaldi labur baten bertsioa da (hemen duzu jatorrizko saioa: https://www.youtube.com/watch?v=hg3umXU_qWc).

Testua euskaratu eta guztion eskura jarri dugu genero berdintasunaren eta hizkuntza berdintasunaren aldeko aldarrikapenak ahizpak direlako. Arerio berdinak ditugu: informazio falta, aurreiritziak, estereotipoak, posizio hegemonikoan daudelako eta pribilegioak ez galdetzeko egoera bere horretan mantendu nahi dutenak… Emakumezkoak genero berdintasunaren alde borrokatzeaz gain, giltzarriak izan gara beti hizkuntza gutxiagotuen transmisioan eta berreskurapenean. Horregatik, gizartean dagokigun espazioa lortu ahala, hizkuntza horiek ere gurekin hedatzen ditugu.

Otsailak 25, osteguna, literatura plazara: Erraiak (Danele Sarriugarte)

Ikasturte honetako bigarren Literatura Plazara saioa izango dugu bihar, otsailak 25, ostegunarekin, 19:00etan, Intxaurrondo Kultur Etxean. Danele Sarriugarteren Erraiak liburua landuko dugu, eta Iratxe Retolazak gidatuko du saioa. Lotura honetan duzue Irutxuloko Hitzak saioari buruz argitaratu duen berria: http://irutxulo.hitza.eus/2016/02/23/literatura-plazara/

Geroago, ikasturteko azken saio hau izango dugu:

  • Apirilak 28: AtzerriMikel Antza, Susa, 2012.

Saio guztiak, beti bezala,  Intxaurrondo KEan izaten dira. Orain arte etortzeko aukerarik izan ez baduzu,  animatu. Saio guztietarako gaia DISKURTSO AUTOBIOGRAFIKOAK EUSKAL LITERATURAN izango da.
Irakurketa ­saio hauetan biografia literarioen moldeak eta azpigeneroak izango ditugu irakurgai eta hausnarketa­gai nagusi. Diskurtso (auto) biografikoek euskal literaturaren esparruan nolako garapena eta lekua izan duten aztertuko dugu.

Galdera hauetariko zenbait erantzuten ahaleginduko gara irakurketa-­saio hauetan:

  • Nolako diskurtso autobiografikoak garatu dira euskal literaturan?
  • Nola baloratu eta interpretatu izan dira ekarpen autobiografiko horiek?.

Literatura Plazara: aurtengoan biografiak. Apuntatu

Dagoeneko uda amaitzen ari zaigu eta laster ikasturte honetako lehen Literatura Plazara saoia izango dugu. Hori dela eta, urterako aukeratu genituen liburuak eta datak gogorazi nahi dizkizugu. Beti arratsaldeko 19:00an.

Hementxe dituzu:

  • Urriak 22: Memoriak, Mikel Laboaren biografia batMarisol Bastida, Elkar, 2014 .
  • Otsailak 25: ErraiakDanele Sarriugarte, Elkar, 2014.
  • Apirilak 28: AtzerriMikel Antza, Susa, 2012.

 

Saio guztiak, beti bezala,  Intxaurrondo KEan izaten dira, arratsaldeko 19:00tan. Orain arte etortzeko aukerarik izan ez baduzu,  animatu.
Saio guztietarako gaia DISKURTSO AUTOBIOGRAFIKOAK EUSKAL LITERATURAN izango da.
Irakurketa ­saio hauetan biografia literarioen moldeak eta azpigeneroak izango ditugu irakurgai eta hausnarketa­gai nagusi. Diskurtso (auto) biografikoek euskal literaturaren esparruan nolako garapena eta lekua izan duten aztertuko dugu.

Galdera hauetariko zenbait erantzuten ahaleginduko gara irakurketa­saio hauetan:

  • Nolako diskurtso autobiografikoak garatu dira euskal literaturan?
  • Nola baloratu eta interpretatu izan dira ekarpen autobiografiko horiek?.

EIDER SANCHEZEK ETA ANE ARTETXEK IRABAZI DUTE 100 HITZ LITERATURA LEHIAKETA

100 Hitz literatura lehiaketako epaimahaikideek, Iratxe Retolazak eta Xabier Etxanizek, erabaki dute Eider Sanchez eta Ane Artetxe direla 2014 urteko irabazleak. 100_Literatura_logoa_011. saria Eider Sanchezek aurkeztutako “GURE ARTEKO LEIHOA” lanak irabazi du, honako arrazoi hauengatik:

Testua oso ondo idatzita dago. Egileak oso modu ederrean asmatu du hitza ispilu baten bestaldeko irudiari ematen eta tentsio narratiboa bukaeraraino eramatea lortu du. Gainera, bikain biribildu du istorioa, oso modu originalean.

Hemen dugu irabazlearen testua:

GURE ARTEKO LEIHOA

Ni naiz. Ezagutzen nauzu, baina ez duzu inoiz nigan pentsatzen. Egunero ikusten nauzu, baina ez dakizu zergatik nagoen hor. Zure ahizpa naiz. Leihoaren atzekoa. Berdin-berdinak gara. Berdin pentsatzen eta jokatzen dugu, leihoaren atzean arauak daudelako. Zuk besoa luzatzean, nik berdina egiten dut. Horregatik ez duzu nigan sinesten. Horregatik uste duzu, ni zu naizela, eta gure artean pareta bat dagoela. Inoiz ez duzu imajinatu ukitzen duzuna ni naizenik. Baina arau garrantzitsuena, inolaz ere leihoa ez zeharkatzea da. Hala ere, arau-hausteak existitzen dira. Irtetea amesten dut, eta gure arteko leihoa gurutzatzea. Zuk ispilu deitzen duzun leihoa gurutzatu nahi dut.

Eiderrek 100 euroko bonoa irabazi du, Intxaurrondoko edozein dendatan erosteko, baita Gaztezulo aldizkariaren urteko harpidetza ere.

2. saria Ane Artetxek irabazi du, “ALA HANDIA DA” izeneko idazlanarekin. Epaimahaikideen ustez:

Testu hau ere oso ondo idatzita dago. Egileak ondo ehundu du testua eta xehetasunei garrantzia eman die. Gainera, asmatu du gaiaren tratamenduan. Izan ere, Afrikako umeen bizimoduaren gaiak errazegia zuen errukitasunerako bidea, eta egileak jakin du hortik ihes egiten.

Hemen dugu bigarrenaren lana:

ALA HANDIA DA

Gogogabetuta ikusten ditut denak, triste. Nire aurretik, gutxienez, 100 pertsona izango ditut, eta atzetik 1000 baino gehiago, seguru. Munduan goserik ez balego… jaten duguna ez da asko, baina eskertzekoa da. Gaur ere arroza. Arreba txikiari emango diot erdia, amak nahikoa lan dauka jaioberriarekin.

Ez dakit eskolara garaiz iritsiko naizen, bidea bost kilometrokoa baita, eta arriskutsua. Gaur zenbakiak desberdintzen ikasi dugu, Abdulai maisua oso jatorra da, basokada bat esne ematen digu eta gaur boligrafo gorria utzi dit.

Kanpalekuan denak lo daude. Izarrak oso argi ikusten dira gaur ere. Biharkoak, bihar. Ala handia da. Nola biziko dira han urrunean?

Anek 80 euroko bonoa eta Gaztezulo aldizkariaren urteko harpidetza irabazi ditu.

Ekainaren 7an, 17:00etan, jasoko dute saria, Intxaurrondo Kultur Etxean, Izarrak Plazara talentu lehiaketaren finalaren barruan.

Plazara Goaz Intxaurrondoko Euskara Batzordeak eta Donostia Kulturak bigarren urtez jarraian antolatu dute 100 Hitz literatura lehiaketa. Bertan, 18 urtetik beherako ikasleek har dezakete parte, eta, baldintza bakarra, 100 hitz dituen testua idaztea da. Aurtengoan, guztira, 66 lan aurkeztu dira.

Lehiaketa hau Gipuzkoako Foru Aldundiak, Donostiako Udalaren Euskara Zerbitzuak, Bagera Donostiako Euskaldunon Elkarteak, Irutxuloko Hitzak eta Gaztezulo aldizkariak lagunduta antolatzen da.

Literatura Plazara, maiatzak 29, osteguna: “Euli-giro”, Uxue Alberdi

Gaur, apirilak 23, Liburuaren eguna dugu,

liburuak erosi, oparitu eta irakurtzeko egun aproposa!

Gogoratu:

Maiatzak 29, osteguna,
Poesia plazara:
Euli-giro Uxue Alberdi
Intxaurrondo Kultur Etxea, 19:00.

(argazkia: Goiztiri euskaltegia)

Beraz, maiatzaren 29an, Literatura Plazara saioa izango dugunez, bertan irakurriko dugun liburua erostea proposatuko dizuegu: Euli-giro (Susa argitaletxea 2013).
Uxue Alberdik idatzitako narrazio liburua da. Matrioxka eran antolatutako 9 istorio laburrek osatzen dute, errealismoa, surrealismoa eta errealismo majikoa uztartuz.

Bertsio digitala erosteko: https://susa-literatura.com/ebook/?k=narr102
Interneten irakurtzeko: http://www.susa-literatura.com/cgi-bin/liburuok.pl?lib=narr102
Donostiako liburutegietan eskuratzeko: http://katalogoa.donostiakultura.com/Record/292299
Kritikak irakurri nahi izanez gero: http://kritikak.armiarma.com/?page_id=4003&non=libu_i&tes=euli-giro

ABIAN DA 100 HITZ LITERATURA LEHIAKETA

100_Literatura_logoa_01OINARRIAK:

  • 100 hitz literatura lehiaketa da, eta lehiaketara aurkeztuko diren lanak euskaraz idatziak, originalak eta inon argitaratu gabeak izango dira.
  • Zehazki 100 hitz izango dituen edozein testu literario aurkez daiteke. Alegia, izenburukoak barne, idazlanak ez ditu 100 hitz baino gehiago edo gutxiago izango. Hitz kopurua zenbatzeko, testu-tratamenduko programek dituzten erremintak erabiliko dira. Testuei dagokienez, ez da bestelako muga formalik ezartzen. Beraz, narrazioa, poesia edo bestelako testu mota izan daiteke.
  • 18 urte bitarteko gazteek parte hartu ahal izango dute. Alegia, 1996ko urtarrilaren 1etik aurrera jaiotakoak.
  • Bakarka parte hartuko da.
  • Parte hartzeko plazaragoaz@gmail.com helbidera bidali mezua. Mezu horri atxikita 2 dokumentu. Dokumentu horiek izendatzeko, egilearen izengoitia bera idatzi biei, eta 1 edo 2 zenbakia bakoitzari (esaterako, txori_1 eta txori_2):
  • Lanak aurkezteko epea: martxoaren 1etik 31ra.
  • Ez da onartuko oinarrizko eskubideren bat urratzen duen testurik.
  • Epai-mahaia bi lagunek osatuko dute:
Iratxe Retolaza Gutierrez Literaturan aditua eta EHUko irakaslea
Iratxe Retolaza
Idazlea eta literatura kritikaria
Xabier Etxaniz Rojo  Idazlea eta AEK-ko irakaslea
Xabier Etxaniz Rojo
Idazlea eta AEK-ko irakaslea
    • 2 sari izango dira, eta epaimahaiaren erabakia apelaezina izango da.
    • Sariak: 100 eta 80 euroko bonoak Intxaurrondoko dendetan erosteko eta Gaztezulo aldizkariaren harpidetza.
    • Epai-mahiak aukeratutako bi lanen egileak Izarrak Plazara talentua lehiaketan parte hartzera gonbidatuko ditu. Bertan, idazleek edo haiek aukeratutako pertsonek irakurri egingo ditzute testuak. Ekitaldi hori ekainaren 7an izango da, 18:00etan, Intxaurrondo Kultur Etxean.
    • Plazara Goazek lehiaketara aurkeztutako lanak argitaratzeko eskubidea izango du egilearen izena adieraziz.
    • Parte hartzeko, derrigorrezkoa da aurreko baldintza guztiak onartzea.
    • Antolatzaileak: Plazara Goaz eta Donostia Kultura gara.
    • Laguntzaileak: Gipuzkoako Foru Aldundia, Donostiako Udalaren Euskara zerbitzua, Bagera euskara elkartea, Hitza egunkaria eta Gaztezulo aldizkaria.
    • Informazio gehiago nahi izanez gero, deitu 628552066 telefono zenbakira edo mezua bidali gorago aipatutako helbide elektronikora.