Kategorien artxiboak: Literatura

“Liburuforum”: “Jenisjoplin” Uxue Alberdi (2018-11-29)

Gogoratzen duzu? AZAROAREN 29an,ostegunarekin, arratsaldeko 19:00etan, Intxaurrondo Kultur Etxean, Uxue Alberdiren Jenisjoplin liburuaren tertulia literarioa izango dela, Iratxe Retolazaren eskutik.

2018-11-29 Azaroaren 29an
JenisjoplinUxue Alberdi  2017, nobela

https://zubitegia.armiarma.eus/?i=761

“Hola, pasibotasunari uko egiten dio eta niaren ugaritasunek espazio fisikoa topatzen dute, gorputza biolentzia, memoria, sexu, maitasun, desio eta gorrotoaren elkargune bihurtuz; gorputzaren markak azalean.”

 
 
Liburua irakurtzeko astirik orain arte izan ez baduzu ikusi laburpen hau. Baietz irakurri! astebete duzu!
Gorputz markak Iratxe Esparza / Gara, 2017-10-21

Eleberria 2010eko udan abiatzen da; Libre irratiko kideak terrorismoaren goraipamena leporatuta noiz atxilotuko dituzten zain daude. Horietako bat Nagore Vargas protagonista da. Nagoreren ahotsak borroka armatuaren gainbeheraren lekuko diren belaunaldien kontraesanak biltzen ditu eta identitate kolektiboaren aztarnak bere azalean pausatzen dira barnea ukitu arte. Alabaina, hiesa diagnostikatzen diote eta horrek bestelako gertakariak erabat zeharkatu eta bizitzarekiko begirada aldarazten dio. Hiru atalek osatzen dute liburua, eta guztietan Euskal Herriko errealitate ezberdinak margotzen dira, euskal gatazkatik baino harago doazenak. Neurriz jokatzen du Uxue Alberdik eta interesgarria da liburuan klase borrokari eta maila sozialari eskaintzen zaien espazioa edota gaixotasunaren inguruan dauden tabu moralak agerian uztea. Testuan hari gehiago ere pilatzen dira, hala nola, protagonistaren haurtzaro berezia, ohiko eredutik kanpo dagoen familiaren gorabeherak edo bazterkeria sozialak dakarren krudeltasuna. Haietatik sortutako emozio bakoitzak bide desberdinak hartzen ditu protagonistaren gorputzean itsatsi arte.

Hasieratik, gaixotasunak lekua irabazten du kontakizunean, eta erantzunen bilaketak Nagore oroitzapenetan zulatzera bultzatzen du, lasaitasunez iraganean arakatzen hasiz. Irakurketan iradokitzen da Uxue Alberdik sakonki eta oreka mantenduz egituratu duela testua eta, esan gabe doa, hari nagusiari darizkion adarren ugaritzeak izugarri aberasten duela eleberria. Nagore Vargasek bere bizipenen hainbat egoera kontatzen ditu eta, aitortzen ez badu ere, urruntasunetik eta perspektibaz iraganaren berrikuspena egiten du, ziur aski hori baita etorkizunari aurre egiteko topatzen duen taktikarik egokiena, gaixotasunaren oihartzunari harrotasunez aurrez aurre begiratzea, alegia. Dena dela, ez pentsa istorioa dramatismotik idatzita dagoela; Nagore bizirik dirauen emakumea da eta diagnostikoak bere gorputzaz erabakitzeko zilegitasuna ematen dio; gainera, bizitzak dakarrena erresistentziatik asimilatzeko indarra ere badauka etsipena alde batera utziz. Horri lotuta, deigarria da protagonistak erakusten duen argitasuna eta ziurtasuna, sarritan, besteak urduritzen dituztenak. Bestalde, irakurri ahala narrazioak intentsitatean irabazten badu ere, pasarteren batean Nagoreren ahotsak talka egiten du hirugarren pertsona darabilen narratzailearenarekin, eta elkartze mehe horretan zerbaitek huts egiten duelakoan nago. Aldiz, ñabardurak ñabardura eta batzuetan istorioaren zenbait atal goxoegiak izan arren, Alberdik sustatzen duen hausnarketa oso onuragarria da, gorputzak eta narrazioak bat egiten dutelako etengabe, areago, gorputza istorioaren gidaria izan dela baieztatzera ausartuko nintzateke.

Gogoetan dabilela, Nagore Vargasek (aitak JenisJoplin konplizitate ezizena erabiltzen du) identitatearen birplanteamendua aipatzen du, gorputz analisiaren bidez gauzatzen duena, esan bezala, gorputza eleberriaren erdigunean kokatuta agertzen zaigulako. Adrienne Richek, poeta eta saiogileak, gorputzetik abiatzen den kokaleku-politika proposatu zuen, eta irakurketan zehar ideia horrek lagundu dit. Gorputzak jasaten duen tratamenduak munduarekin sortutako harremana zehaztu eta, era berean, munduaren ikuspegia ere baldintzatzen du; hain zuzen ere, Nagore Vargasi gertatzen zaiona: bere gorputzetik eusten du, interakzio pertsonalek, sentimenduek eta bizipenek gorputza bera markatzen duten bitartean. Hola, pasibotasunari uko egiten dio eta niaren ugaritasunek espazio fisikoa topatzen dute, gorputza biolentzia, memoria, sexu, maitasun, desio eta gorrotoaren elkargune bihurtuz; gorputzaren markak azalean.

Aurtengo beste datak eta aukeratutako liburuak hauek izango dira:

 

 

 

 

 

2019-01-31  Urtarrilaren 31n
Honetara ezkero“.  Arantxa Iturbe   2017, ipuinak

2019-04-08  Apirilaren 8an
“Bihotz handiegia”.   Eider Rodriguez 2017, narrazioak

2019-05-21 Maiatzaren 23an
Bidean ikasia”.   Arantxa Urretabizkaia  2016.Entsaioa

Zeri kantatzen diogu? Zeri ez? (G. Barandiaran & R. Rueda. Asteazkenean)

Hitzen_Ahairea_2018_Gotzon_Barandiaran_Rafa_Rueda Noiz: azaroaren 7an, asteazkena
Ordua: 19:00-20:30
Non: LARROTXENE Kultur Etxean,
Nor: Gotzon Barandiaranen eta Rafa Rueda
Prezioa: Dohanik
Jakin nahi al duzu zeri kantatzen diogun euskaldunok?
Eta zeri ez?
Plazara Goazek 20 urte bete dituela ospatzeko eta Euskaraldiaren kanpainaren barruan
Gotzon Barandiaranen eta Rafa Ruedaren hitzaldi musikatua izango dugu.
Bertan, Hitzen ahairea liburuan azaldutakoaren berri emango digute.
Liburua eta aipatutako kantuei buruzko informazio gehiago:
Euskaraldia?
Ariketa sozial honetan parte hartzera gonbidatu zure hamaikakoa: familia, lagunak, lankideak…
Hizkuntza ohiturak eta kontzientziak eragin!!

Ibilaldi literario Koldo Izagirrerekin (2018-10-27)

Koldo Izagirre (wikipedia)

Ibilbide literarioa egingo dugu Intxaurrondon barrena.
Ko
ldo Izagirre idazlea izango da gidaria. Ibilbideak 3 gune nagusi izango ditu eta gai hauek jorratuko ditugu:

  • 10:00etan. Intxaurrondo Kultur Etxetik abiatu. Otxoki pasealekua, Lazkano bertsolariaren jaiotetxea: bertsoak / PM Otaño: hiru poema kantagarri / Axular plaza: pasarte batzuk / Joana Albret plaza: Biblia, Nafarroa / Gaztela kalea: Rosaliaren akordua, Mikel Azurmendiren poema / Artikutza: kantu zaharra eta Patziku Perurenaren lana.
  • 11:00etan, Bizenta Mogel kalea: lehen testu feminista eta idazletzaren kontzientzia, zenbait alegia / Castelao parkea: euskaldunak bere testuetan, Gernikako arbolari buruzkoa, marrazkiak ikusi / Extremadura kalea: Gerra Garridoren Cacereño nobela, pasarteak / Gabriel Aresti pasealekua: modernitate laiko eta ezkerrekoa, poemaren batzuk, hitzaldiren baten zatia.
  • 12:00etan, Gabriel Celaya plaza: literatura erregionalista, pasarteak Canto en lo míotik, Agustin Ibarrolaren eskulturak alderatu bere errealismo sozialistarekin, Arestiren Euskal Harriarako egin zizkionak erakutsiz / Bernat Etxepare plaza: feminismo faltsua, aurreneko testu konfesionala (lehen pertsonaren erabilera kartzelako poeman), eta hizkuntzari egindako kantu ederrak.

Aipatutako ordutegia gutxi gorabeherakoa da.  Ibilbidea bukatutakoan, Euskararen Plazan mokadua jan eta zerbait edateko aukera izango dugu. Doan da eta aurrez izena eman gabe ere etor gaitezke.

Plazara Goaz Intxaurrondoko Euskara Batzordeak 20 urte bete ditu aurten eta ekitaldi berezi bat prestatu nahi izan dugu. Mezuari erantsita bidali dugu ibilbidea iragartzeko kartela. Animatu eta lagunak ere gonbidatu.

Bide batez, gogoratu dagoeneko zabalik dela Euskaraldian izena emateko epea. Larrotxene eta Intxaurrondo Kultur Etxeetan egin dezakezu, baita helbide honetan ere: https://izenematea.euskaraldia.eus/

Literatura Plazara solasaldiak 2018/19ko liburuak eta datak

LITERATURA PLAZARA 2018-2019 solasaldiak
Iratxe Retolazak gidatuta
Saio guztiak Intxaurrondo Kultur etxean (Goiko kiroldegian), ostegunarekin, 19:00etan

Aurtengo datak eta aukeratutako liburuak hauek izango dira:

 

 

 

 

 

2018-11-29 Azaroaren 29an
“Jenisjoplin” Uxue Alberdi  2017, nobela

2019-01-31  Urtarrilaren 31n
Honetara ezkero“.  Arantxa Iturbe   2017, ipuinak

2019-04-08  Apirilaren 8an
“Bihotz handiegia”.   Eider Rodriguez 2017, narrazioak

2019-05-21 Maiaztaren 21ean
Bidean ikasia” Maiatzaren 21an.   Arantxa Urretabizkaia  2016.Entsaioa

Komiki-saioa: Persepolis, Marjane Satrapi (I. Leturia, azaroaren 8an)

Intxaurrondoko Kultur Etxeak antolatuta komiki-solasaldien euskarazko hurrengo saioa:

Noiz: Azaroaren 8an. osteguna
Ordua: 19:00
Non: Intxaurrondoko Kultur Etxea
………Felix Gabilondo plaza, 1   20015 Donostia
………943 48 34 02
Hizlaria: Igor Leturia
Gaia:  Persepolis eleberri grafikoa
Egilea: Marjane Satrapi (Rasht, Iran, 1969)

Marjane Satrapi-ren idazlanaren lorpenik handienetakoa hau izan da: komikiaren bidez zenbait gertaera historiko garraztasun osoz erakustea posible dela egiaztatzea. Satrapik integrismoak ekarri zituen intolerantzia eta errepresioa salatzen ditu; hain zuzen ere, milaka lagunen bizia balio izan zuenarena.

Persepolis, lan autobiografikoa, Iraneko Xah zenaren azkeneko mementoetan hasten da. Bertan, egilea erregimen fundamentalista islamiko batean nola hazi zenaren istorioa kontatzen digu, eta nola honek behartu zuen bere herria uztera.

2007an izen bereko filma estreinatu zuten Canneseko Zinemaldian, komikian oinarriturik. Vincent Paronnaud eta Marjane Satrapik berak zuzendua, marrazki bizidunetakoa. Hurrengo urtean Oscar Sarietarako izendatu zuten.

https://komikilabea.com/

Literatura Plazara 17/18 : Gure hiriko geografiak

Literatura Plazara solasaldiak  berrikuntzak dakartza aurten: urteroko hiru liburuei bi saio gehitu dizkiogu (liburu bat eta ibilbide literarioa + bazkaria)
.

LITERATURA PLAZARA 2017-2018 Iratxe Retolazak gidatuta
Saio guztiak Intxaurrondo Kultur etxean, ostegunarekin, 19:00etan

Aurtengo gaia:
Gure hiriaren geografiak
Hainbat liburu dira Donostia dutenak kokaleku
eta bertan irakur ditzakegu gure gizartearen eta kaleen geografiak, ez baita bakarra

2017-11-16
Gauak eta hiriak Ur Apaletegi Idirin
Erein argitaletxea. 256 or.
Felix, Antton eta Muriel gazteak dira eleberri honetako pertsonaiak, eta gaztaroaren heziketa sentimental osoa biltzen da hiruren arteko harremanetan: maitasuna eta jelosia, adiskidetasuna eta gorrotoa, baita bizitzako sasoi horretan hain ohikoak diren konplexuak ere. Nahiak eta ezinak. Gaua, hiria eta gaztaroa dira, beste maila batean, eleberriko protagonista nagusi eta boteretsuak. Esan gabe doa, gaua nagusitzen denean gazte jendeak hartzen ditu kale, taberna eta pubak. Kale horietan sortu, garatu eta mamitzen dira maitasuna eta gaztetasunaren irrika eta afanak. Oso giro urbanoa eta urduria da eleberriaren muina. Horrekin guztiarekin batera, giza sentimenduetan barneratzeko zorroztasuna da eleberri bizi, egun-eguneko eta sikologikoki kupidagabe honen ezaugarririk aipagarriena.
http://www.erein.eus/liburua/gauak-eta-hiriak
http://zubitegia.armiarma.eus/?i=196

2018-01-25
Etxekalte
Harkaitz Zubiri
Susa argitaletxea. 216 or.
Anaitasuna enpresa ez dabil ondo. Kontuak zehazki nola dauden inork ez daki, baina arazoak eta zurrumurruak zabaldu direnez gero, lorrintzen ari dira langileen arteko harremanak.
Josu bulegora itzuli denean, iradoki du lankide zuen aitaren heriotzaren kausa ez zela naturala izan. Norak afera horietan katramilatzeko gogorik ez duen arren, gaina hartu diote bikote ohiaren kezkek eta ikertzen hasi da. Deseroso daude ordezkari sindikalak. Zuzendariak Chicagotik etxera bueltatzeko eskatu dio Aingeru semeari, kinka larrian dagoen fabrikan aldaketa sakonak egiten lagun diezaion, baina makalduta dabil Donostiara iritsi denetik. Etxebek ez du bururik altxatzen bulegoko mahaitik, eta egunetik egunera urrunago sentitzen du Herrera adiskide kutuna.
Bizitza gurutzatuak kontatzen ditu Harkaitz Zubiriren nobelak. Krisi ekonomiko eta sozial garaian krisi pertsonal eta intimoetan trabatu direnek ihes egin nahi diote porrot gordinari, kosta ahala kosta.
http://www.susa-literatura.eus/liburuak/narr94
http://kritikak.armiarma.eus/?page_id=4003&non=libu_i&tes=etxekalte

2018-02-22
Nola heldu naiz ni honaino Kattalin Miner
Elkar argitaletxea. 128 or.
Enpresan mailaz eta soldataz igotzea, herentzia bat jasotzea, etxe bat erosi ahal izatea, lagun ugari edukitzea… Arrakastaren laukitxo guztiak beteak ditu Jezabelek, argi du zer nahi duen bizitzan eta zirt-zart hartu ohi ditu erabakiak. Halako batean, ordea, txikikeria batekin paralizaturik geratuko da. Emakume gazte baten nora eza darabil Kattalin Minerrek gure gizarteko hainbat gai giltzarri jorratzeko: familia eta bikote ereduak, heteroaraua, harreman batean bilatzen duguna… Nortasunez beteriko lehenengo eleberri bat, irakurlearen gogoa astindu eta zer pentsatua emango diona.
http://kritikak.armiarma.eus/?p=7161

2018-04-26
Bihotz bi. Gerrako kronikak Ramon Saizabitoria
Erein argitaletxea. 288 or.
Bikotearen istorioak osatzen du eleberriaren ardatza. Gizon eta emakumeen arteko harremanen inguruko gogoeta da eleberria, batik bat gizonezkoaren jokabide eta jarreren ingurukoa. Ironia da nobelagileak aukeran dituen lanabesetako bat, beharbada, garrantzitsuena; eta gertaeren markotzat, gutxitan bezala guztiz sinesgarria den hiri bat. http://www.erein.eus/libro/bihotz-bi/eu
http://kritikak.armiarma.eus/?p=2293

2018-0505
Gure hiriaren geografiak ibilbidea + bazkaria
10:00 abiatu Intxaurrondo Kultur Etxetik

ANDRAZKOAK: Literatura Plazara 2016/17

literatura_plazara_16_17

Jaso kartela

Aurten ere Literatura Plazara saioak izango ditugu, Intxaurrondoko Kultur Etxeak lagunduta (Donostia Kultura) eta Iratxe Retolazak gidatuta.
Saio guztiak ostegunarekin izango dira, arratsaldeko 19:00etan,
Intxaurrondo Kultur Etxean.

ANDRAZKOAK izenburupean, 3 saio eta 4 liburu aurreikusi ditugu:


Azaroak 24:
Hain gutun luzea. Mariama Bá. Edo! argitaletxea 2015

Afrikar literatura garaikidearen ikurretako bat da Hain gutun luzea. Afrikako tradizioa eta modernitatea, arlo publikoa eta pribatua hobeto ezagutzeko balio du. Poligamia, kolonizazioa eta deskolonizazioa, familia eta emakumeen eskubideak, hezkuntza eta eguneroko bizimodua…  Senegalgo emakumeen istorioa eta historia gorpuzten ditu.

Liburua Kaxilda liburu-dendan eros dezakegu, 14 euroan (Arroka kalea 2, Amara. 943571987). Baten batek zailtasunik balu, jakinarazi eta ekarriko diogu liburua auzora.


Otsailak 9:
Lorea Gernika, andrazko bat. Koldo Izagirre. Susa argitaletxea 2015

Hiru aldiz makurtu zen Ramiro Arrueren dantzari aingeruen azpian, luma eskuan zuela, Donibane Lohizuneko udal ezkongelan. Hantxe sinaturiko hiru hitzarmen estrategiko hauei esker, eta batez ere beste horrenbesteko banantzeen edo alarguntzeen ondorioz —ez dago garbi—, Lorea Gernikak nahikoa eusko bildu ahal izan du bizimodu erosoan laketzeko egungo euskaldunen izatea pairatuz, pentsatzen ikasiz, andrazko bihurtuz: ironia eta eztitasuna, umorea eta malenkonia.

Topikotik irteteko Lorea Gernikak egin dituen saioen bilduma da liburu hau.


Maiatzak 11:
Baionak ez daki. Bea Salaberri. Susa argitaletxea 2015

Baionak ba ote daki zenbatekoa den euri uhar baten gozoa, lantokian partekatzen ari diren bixkotxaren ahalmena. Baionak ba ote daki zerk eragiten dien zirrara zubi gainetatik datozenei, noiz elkartzen diren isilpekoez mintzatzera, nola egiten duten aitzina. Baionak ba ote daki haren altzotik urruntzeko gogoa sortzen duela sarritan.

      Bea Salaberriren lehen narrazio liburuak eguneroko bizitzako gertakari sinpleetan ipintzen du arreta, kasik ezdeusetan. Kontu tipienei begira, detaileetan atseden harturik, idazlearen estilo soilaz landutako begiradok funtsezkoa den hartara astiro hurbildu nahi gaituzte.


Saioetan zehar laugarren liburu baten pasarteak irakurriko ditugu:
Mr. Señora. Oier Guillan Bermudez. Txalaparta 2016

 


Ikus dezakezuenez, denetik apur bat dugu:
itzulpena, antzerkia, auzoan bizi den egilea, iparraldekoa…
Literatura interesgarria eta aberastuko gaituena.

Liburua: Intxaurrondo Txuri Beltzean

Intxaurrondo Txuri Beltzean” liburua gure auzoko memoria jaso nahi duen argazki bilduma da, 1980. urte arteko irudiak jasotzen dituena. Bertanagertzen dira gure baserriak, auzogunetako jaiak, eskoletako ikasle taldeak, elkarte gastronomikoetako jarduerak, bizilagun taldeak, ….

Osteguenean hilak 15, 19:00etan aurkeztuko dute liburua INTXAURRONDO KULTUR ETXEAN (FÉLIX GABILONDO 1).           ANIMATU!

IZBE AUZO ELKARTEAK eta ALTZAKO HISTORIA MINTEGIAk antolatuta.

Apirilak 28, osteguna, literatura plazara: Atzerri (Mikel Antza)

Ikasturte honetako hirugarren Literatura Plazara saioa izango dugu bihar, apirilak 28, ostegunarekin, 19:00etan, Intxaurrondo Kultur Etxean.

Mikel Antzaren Atzerri (Susa, 2012) liburua landuko dugu, Iratxe Retolaza-k gidatuta.

Uda ondoren itzuliko gara beste 3 libururekin.
Proposamenen bat duzuenok bihar saiora ekarri edo mezua bidali helbide honetara.

Saio guztiak, beti bezala,  Intxaurrondo KEan izaten dira. Orain arte etortzeko aukerarik izan ez baduzu,  animatu. Saio guztietarako gaia DISKURTSO AUTOBIOGRAFIKOAK EUSKAL LITERATURAN izango da.
Irakurketa ­saio hauetan biografia literarioen moldeak eta azpigeneroak izango ditugu irakurgai eta hausnarketa­gai nagusi. Diskurtso (auto) biografikoek euskal literaturaren esparruan nolako garapena eta lekua izan duten aztertuko dugu.

Galdera hauetariko zenbait erantzuten ahaleginduko gara irakurketa-­saio hauetan:

  • Nolako diskurtso autobiografikoak garatu dira euskal literaturan?
  • Nola baloratu eta interpretatu izan dira ekarpen autobiografiko horiek?.

Guztiok izan beharko ginateke feminista

Guztiok izan beharko ginateke feminista liburuaren azala

Guztiok izan beharko ginateke feminista liburuaren azala

Desberdinak al dira Afrikan eta Euskal Herrian emakumeok bizi ditugun egoerak? Benetan zailagoak al zaizkigu gauzak emakumeoi? Zergatik egiten zaigu desberdina egoera bera emakumeak ala gizonak eginda? Nola naturalizatzen dira berez naturalak ez diren egoerak? Nolako eragina dute hezkuntzak eta kulturak? Zer da feminista izatea? Zergatik izan feminista? Gizonak ere feminista izan beharko lirateke? Zer irabazi eta zer galtzeko?

Galdera horiek erantzuteko irakurri Guztiok izan beharko ginateke Feminista liburua, 30′ minutu nahikoak izango zaizkigu. Modu atsegin eta entretenigarrian gainera, egileari berari gertatutako hainbat pasadizo irakurriz.

Chimamanda Ngozi Adichie 1977an jaiotako idazle Nigeriarra da. Ameriketako Estatu Batuetan egin ditu ikasketak eta hemen jaso dugun testu hau 2012ko abenduan TEDxEustonen (Afrikari buruzko urteroko sinposioan) emandako hitzaldi labur baten bertsioa da (hemen duzu jatorrizko saioa: https://www.youtube.com/watch?v=hg3umXU_qWc).

Testua euskaratu eta guztion eskura jarri dugu genero berdintasunaren eta hizkuntza berdintasunaren aldeko aldarrikapenak ahizpak direlako. Arerio berdinak ditugu: informazio falta, aurreiritziak, estereotipoak, posizio hegemonikoan daudelako eta pribilegioak ez galdetzeko egoera bere horretan mantendu nahi dutenak… Emakumezkoak genero berdintasunaren alde borrokatzeaz gain, giltzarriak izan gara beti hizkuntza gutxiagotuen transmisioan eta berreskurapenean. Horregatik, gizartean dagokigun espazioa lortu ahala, hizkuntza horiek ere gurekin hedatzen ditugu.